❀ လူ့ အမှိုက်​ ❀

☺ ☺ ☺ မွန်​မြတ်​တဲ့သူ မြင့်​မြတ်​တဲသူ☺ ☺ ☺

☺ ☺ ☺သင်​ဘယ်​လိုလူမျိုးလဲ ☺ ☺ ☺

★ ★ ★ အ​ရေးကြီးတာက ★ ★ ★

လိုအပ်​ချက်​

❆ ❆ ❆ ဇာတ်သိမ်းပိုင်းမြင်ကွင်း❆ ❆ ❆

ဆရာ​တော်​ ဦးဝါယမိန္ဒ ​ကျောင်းသစ်​) ရဲကဗျာ​လေးပါ အ​တွေးများစွာကို​ပေးပါတယ်​.. ကဗျာ​လေးက

❆ ❆ ❆ ဇာတ်သိမ်းပိုင်းမြင်ကွင်း❆ ❆ ❆
.÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

❀ ဆင်ခြင်မှု့ကင်း

တွေဝေခြင်းဖြင့်

မြွေတွင်းကိုပိတ် ဆင်ကအိပ်ချိန်။

❀ တွင်းအောင်းမြွေမ

ထွက်မရ၍

ဒေါသဟည်းတိုက် ဆင်ကိုကိုက်၏။

❀ မြွေစွယ်ထိုးမိ

အဆိပ်ထိ၍

ရိုင်းသည့်တောဆင်၊ နာသည်းကျင်ပြီး

မြေပြင်၌လဲ...သေပွဲဝင်သော်။

❀ တွင်းထဲမြွေမ

ထွက်မရဘဲ၊

ဘဝညီစွာ၊ သေရရှာပြီ

ထိုခါ...ကျားရဲ...ဟိန်းသတည်း။ ။

♕ အရက်သမားဘဝမှ လွတ်မြောက်ရေး ဆုံးမစကားများ ♕

( ၁ )

၁။ အရက်ခွက်ကို မထမဦးဆုံးကိုင်တဲ့နေ့ဟာ ဘဝအမှောင်ကျဘို့ ဇာတ်လမ်းစ.လိုက်တာဘဲ လို့မှတ်ကြပါ။ တသက်လုံး ဇာတ်လမ်းမ ရုပ်စေခြင်ရင်အရက်ခွက် အရက်ပုလင်းကို ယောင်လို့တောင် လုံးဝမကိုင်ပါနဲ့။

၂။ လူမသေ ငွေမရှားဆိုပေမယ့် လူမသေသော် လည်းဆင်းရဲတွင်း နက်ပြီး ငွေမရှိသူဟာ အဲဒီအရက်သမားဘဲ၊ ငွေရှိလိုလျှင်၊အရက်မသောက်ပါနှင့် အရက်ကိုမုန်းပါ။

၃။ ခွေးချေးကို ဆီနဲကြော်လို.ကျက်.သွားပေမယ့် လုံးဝ.အသုံးမတည့်.၍.သွန်.ပစ်လိုက်ရတာဘဲ၊ ဒါ့ကြောင့် ခွေးချေးကြော်ဟာ .ကျက်သွန်.တွေဖြစ်သွားတယ်။ ထို့အတူအရက်သမား လုံးလုံး ဖြစ်သွားရင်တော့. ကျက်သွန်.ဖြစ်ဖို့သေခြာသွားပြီ။

၎။ အရက်ဟာပထွေးနဲတူပါတယ်၊ မယားပါသားသမီးတွေကို မထင်ရင် မထင်သလို နှိပ်စက်တတ်တယ်၊ အရက်ကလည်း အရက်နဲ့ပတ်သက်တဲ့လူတွေကို နှိပ်စက်နေမှာဘဲ။

၅။ ဇာတ်သိမ်းမလှဘဲ လူ့ဘဝထဲမှာ ခြေရာပျောက်ပြီး သုဿာန်ထဲ စောစောစီးစီးဝင်သွားရတဲ့အထဲမှာလည်း အရက်သမားတွေပါနေတယ်၊ သုဿာန်ထဲ စောစောစီးစီးမဝင်ရဘို့နဲ့ ဇာတ်သိမ်းလှဖို့ အရက်ရှောင်ပါ။

၆။ လူ့ဘဝရောက်တုန်း ထမင်းဝအောင် ပိုစားသွားပါ၊ အရက်ကိုတော့ လုံးဝသောက်မသွားပါနဲ့၊အရက်သောက်ခြင်းဟာ အန္တရာယ်ကို ဖိတ်ခေါ်နေသလိုဘဲ။

၇။ ဇနီးမယားသားသ္မီးတို့ရဲ့ ဂရုစိုက်အလေးထား ချစ်ကြင်နာမှု ပြည့်ပြည့်၀၀ ခံစားလိုလျှင် အရက်လောကထဲက အမြန်ဆုံးရုံးထွက်ခဲ့ပါ၊ ဒါမှမဟုတ်ရင်တော့ ရင်နာစရာတွေဖြစ်ကုန်လိမ့်မယ်။

၈။ အရက်သောက် တော့မယ်လို့ စိတ်ဆုံးဖြတ်လိုက်တာနဲ့ တပြိုင်နက် ကိုယ့်မျက်နှာကို လက်သီးနဲ့ နာနာကြီးဆောင့်ထိုးပြ်ီး ဆုံးမလိုက်စမ်းပါ။ သူများဆုံးမတာထက် ကိုယ့်ကိုကိုဆုံးမတာကပိုပြီးလိမ္မာလွယ်တယ်။

၉။ အရက်သောက်တဲ့လူထဲက .တော်.တယ်ကောင်းတယ်ဆိုတဲ့လူဟာ အရက်ကိုလူက ဆင်ဆင်ခြင်ခြင် သောက်တဲ့အချိန်လေးမှာဘဲဖြစ်မယ်။ လူကိုအရက်က ပြန်သောက်တဲ့အချိန်မှာတော့အဲဒီလူဟာ လူညံ့လူဆိုးဖြစ်သွားပြီမှတ်ပေတော့။

၁၀။ အရက်သောက်သူများကို စိတ်ကူနဲ့ဘဲ သေဒဏ်ပေးကြည့်လူဦးရေသိသိသာသာကြီး လျှော့သွားနိုင်တယ်၊ အရက်ကဘာကောင်းကျိုးပေးဘူးလို့လည်း၊ အရက်ကိုထည့် မတွက်ဘဲ ရွံမုန်းလိုက်စမ်းပါ။

၁၁။ နည်းစနစ်မှန်တဲ့အရက်လား၊ စီးပွားဖြစ်အရက်လား၊ဘာအရကွလည်း၊ ချက်ချင်သလိုချက်ပြီး ထင်သလိုရောင်းနေတဲ့အရက်တွေ အကြောင်းဇစ်ဇစ်မြစ်မြစ်မသိရင်တော့ မကြာခင်အရက်သမားအိမ်ထဲ နာရေးပို့မယ့်လူတွေ ရောက်လာတော့မယ် သတိထားနော်။

ဦးဝါယမိန္ဒ
ကျောင်းသစ်​​ကျောင်းဆရာ​တော်​

အကျိုးရှိ​သောစကားတစ်​ခွန်းဖြစ်​ပါ​စေ

အကျိုးမရှိတဲ့စကားလုံးတွေနဲ့ 

ဖွဲ့ စည်းတည်ဆောက်ထားတဲ့

စကားရပ်တွေအခွန်းပေါင်း

တစ်ထောင်ရှိနေပါစေ

လုံးဝမမြတ်ပါဘူး

ကြားလိုက်ရတာနဲ့စိတ်ထဲမှာ

ကိလောသာငြိမ်းအေး

သွားစေတဲ့စကားမျိုး၊

အကျိုးရှိတဲ့စကားမျိုးကတော့

တစ်ခွန်းတည်းဖြစ်ပါစေ၊

မြင့်မြတ်လှပါတယ်။

(ဓမ္မပဒ-၁၀၀)

စကား​ပြောနည်း

စကားအင်္ဂါ ( ၅ ) တန်

( ၁ ) ပြောသင့်သောအခါမှပြောရာ၏၊ အချိန်မတန်လျှင်မပြောဆိုရာ ။

( ၂ ) အမှန်ကိုသာပြောဆိုရာ၏၊ မမှန်မကန် လုပ်ကြံမပြောဆိုရာ။

( ၃ ) နူးညံ့ချိုသာစွာပြောဆိုရာ၏၊ ခက်ထန်ရင့်သီးစွာမပြောဆိုရာ

( ၄ ) အကျိုးစီးပွားဖြစ်မည့်စကားကိုသာပြောဆိုရာ၏။

အကျိုးယုတ်မည့်စကားကို မပြောဆိုရာ။

( ၅ ) မေတ္တာရှေ့ ထားပြောဆိုရာ၏၊ ဒေါသမောဟဖြင့်မပြောဆိုရာ။

( အင်္ဂုတ္ထိရ်ပါဋ္ဌိတော် )

သင်​ဘယ်​သူကို ​ပေါင်းမလဲ

သူတော်ကောင်းတို့ နှင့်
ပေါင်းဆုံရခြင်းသည်
တကြိမ်သာလျှင်ဖြစ်၏။
(၀ါ)တကြိမ်သာလျှင်ဖြစ်စေကာမူ
ထိုတကြိမ်မျှပေါင်းဆုံရ
တွေ့ ရခြင်းသည်
သူတော်ကောင်းတို့ နှင့်
ပေါင်းဆုံတွေ့ ရသောထိုသူကို
အကျိုးမဲ့ပယ်ရှား၊
အကျိုးများအောင်
ဆောင်ရွက်စောင့်ရှောက်တတ်ချေ၏။
သူယုတ်မာတို့ နှင့်အကြိမ်များစွာ
ပေါင်းဆုံရခြင်းသည်
(၀ါ)အကြိမ်များစွာပေါင်းဆုံရစေကာမူ
အကျိုးများအောင်
မဆောင်ရွက်မစောင့်ရှောက်တတ်ချေ။

(မဟာသုတသောမဇာတ်)

လူ့ လိုက်​ပွဲများ

❆ အစားခံအာဟာရ

မဝက...လိုက်ပွဲ...ထပ်မှာ

❆ မဆင်ခြင် နင့်အောင်စား

လူသား...ထုံး...ပါ

❆ သေမင်းကို ဗိုက်ခွဲရှာ

လိုက်ပွဲများစွာ တွေ့မှာမလွဲ

❆ အစားခံမနုဿများရေ

အမှားကြံ မယုတ်ကြငြားလေနဲ့

လုပ်ပါ့...မနားမနေ ဉာဏ်လွှာကဲပါလို့

လိုက်ပွဲ...မှာထပ်မသွားဖို့ရယ်

( ကွယ် ) တရား..ကျင့်မြဲ ။ ။

ဦးဝါယမိန္ဒ

ကျောင်းသစ်၊ ကြံခင်း

ဗုဒ္ဓဘာသာအပေါ် ကမ္ဘာကျော် ပညာရှင်များ၏ အတွေးအမြင်များ

ဗုဒ္ဓ၏ အဆုံးအမ

ဗုဒ္ဓတွင် အားလုံးသော ဟောပြောချက်များ၊ တရားသေ အယူဝါဒများထက်

ပိုမိုမြင့်မြတ်သည့်အရာ တစ်ခုရှိပြီးသား ဖြစ်သည်။

ဗုဒ္ဓ၏ အဆုံးအမတော်သည် လူသားထုတစ်ရပ်လုံးအတွက် တစ်သက်တာလုံး ရင်ကို အေးမြစေသည်။

လူမှုဒုက္ခ, သုက္ခ အရှုပ်အထွေးများအတွက် ဗုဒ္ဓ၏ ငြိမ်းချမ်းရေးဒေသနာတော်သည် အတိတ်ကထက် ယနေ့တွင် ပိုမို၍ လိုအပ်ပေသည်။

(Nehru, နေရူး)

တောက်ပသည့် နေတစ်ဆူ

ကျူးကျော်တိုက်ခိုက်ခြင်း၊ အမျက်ပွားခြင်း၊ အကြမ်းဖက်ခြင်းတို့ လွှမ်းမိုးနေသည့် ဤကမ္ဘာဝယ်

ဗုဒ္ဓ၏ အဆုံးအမသည် ရောင်ခြည်တစ်ထောင် အလင်းဆောင်သည့် နေတစ်ဆူကဲ့သို့ တောက်ပနေသည်။

ဗုဒ္ဓ၏ အဆုံးအမတော်သည် ကမ္ဘာပေါ်ဝယ် အနုမြူဗုံးများ၊ ဟိုက်ဒရိုဂျင်ဗုံးများ ရှိနေသည်ထက်

ပိုမို၍ လိုအပ်သောအချိန် ဖြစ်သည်။

ထိုအဆုံးအမ၏ မှန်ကန်မှုသည် နှစ်ပေါင်း ၂၅၀၀-အထိ သက်တမ်းရှည် ရှင်သန်နေခဲ့သည်။

ထာဝစဉ် တည်မြဲသည့် အဆုံးအမကို နှလုံးမူလျက် ယင်းဒေသနာတော် အလင်းရောင်ဖြင့်

ကျွန်ုပ်တို့၏ အတွေးအကြံ အပြုအမူများကို ပြုပြင်ကြပါစို့။

အနုမြူခေတ်၏ အမှားများကိုပင် တည်ကြည်သော သမာဓိတရားဖြင့် ရင်ဆိုင်၍

ဟုတ်သောအကြံ မှန်သောအလုပ်တို့ကို တိုးမြှင့်ခြင်းဖြင့် အနည်းငယ်သော အကူအညီများကို ရနိုင်ပေမည်။

(Nehru, နေရူး)

တည်ကြည်မှုနှင့် မေတ္တာနှလုံးသား

ဗုဒ္ဓနှင့်ပတ်သက်၍ အထင်ရှားဆုံး အရာကား

တည်ကြည်သည့် သမာဓိ ပညာ၊ နွေးထွေးသောမေတ္တာ၊ နက်နဲသော ကရုဏာတို့၏ ထူးကဲသော ပေါင်းစပ်မှုပင် ဖြစ်သည်။

ဗုဒ္ဓတစ်ဦးတည်းသာ လူ့သဘာဝ ကောင်းဆိုး သိစိတ်ကို ကိုယ်စားပြုသဖြင့်

ယနေ့ကမ္ဘာသည် ဗုဒ္ဓဆီသို့ ပို၍ ပို၍ပင် ဦးလှည့်လာလေပြီ။

(Moni Bagghee, မောနိဘက်ဂီ)

သမားတော် ဗုဒ္ဓ

ဗုဒ္ဓသည် သမားတော်တစ်ဦးနှင့် တူသည်။

သမားတော်သည် ရောဂါအမျိုးမျိုး၏ လက္ခဏာ၊ ရောဂါ၏ ဇစ်မြစ်၊ ကုသရန် ဆေးဝါးနှင့် အသုံးချပုံတို့ကို သိသကဲ့သို့

ဗုဒ္ဓသည်  ဆင်းရဲဒုက္ခ အဆင့်ဆင့်၊ ဒုက္ခ၏ မူလဘူတအကြောင်း(သမုဒယ)၊

ဒုက္ခချုပ်ငြိမ်းမှုနှင့် ဒုက္ခချုပ်ရာ နိဗ္ဗာန်သို့ သွားရာလမ်းကြောင်းဟူ သော အရိယသစ္စာ ၄-ပါးကို ဟောကြားတော်မူခဲ့သည်။

(Dr.Edward Conze, ဒေါက်တာ အက်ဒွပ်ကွန့်ဇ်)

ပညာရှိ ဖခင်

ဗုဒ္ဓဟူသည် လောကမီးလောင်ပြင်ဝယ် ဆော့ကစားနေသည့် ကလေးငယ်များကို မြင်၍

ကလေးများကို မီးလောင်အိမ်မှ ဆွဲထုတ်ရန် အကြံအမျိုးမျိုးကို ယူ၍

နိဗ္ဗာန်ဟူသော ဘေးကင်းလုံခြုံရာသို့ ပို့ဆောင်ပေးသူ ဖြစ်သည်။

(Prof.Lakshimi Narasu, ပါမောက္ခ လက်ခ်ရှမီးနာရာစု)

တရားကိုမသိသောလူမိုက်

ဟင်းမွှေယောက်မသည် ဟင်း၏အရသာကို မသိနိုင်သကဲ့သို့ လူမိုက်သည်လည်း အသက်ရှည်သမျှ ပညာရှိကို ဆည်းကပ် နေထိုင်ရသော်လည်း (ပရိယတ်၊ ပဋိပတ်၊ ပဋိဝေဒ ဟူသော) တရားကို မသိနိုင်ပေ။

ဓမ္မပဒ (၆၄) ဥဒါရိတ္ထေရ ဝတ္ထု

ဗုဒ္ဓဘာသာဝင် (၅)မျိုး

ဗုဒ္ဓဘာသာ ငါးမျိုးရှိပါ တယ်။

(၁) ကုလ ဗုဒ္ဓဘာသာ (မိရိုးဖလာကိုးကွယ်သော ဗုဒ္ဓဘာသာ)၊
(၂) လာဘ ဗုဒ္ဓဘာသာ (လာဘ်လာဘကို လိုချင်၍ကိုးကွယ်ရသော ဗုဒ္ဓဘာသာ)၊
(၃) ဘယ ဗုဒ္ဓဘာသာ (ဘေးအန္တရာယ်ကြောက်၍ကိုးကွယ်ရသော ဗုဒ္ဓဘာသာ)၊

     ဤသုံးမျိုးကို အောက်တန်းစား ဗုဒ္ဓဘာသာဟုခေါ်ဆိုပါသည်။

(၄) သဒ္ဓါဓိက ဗုဒ္ဓဘာသာ (သဒ္ဓါတရားကိုအရင်းခံ၍ကိုးကွယ်သော ဗုဒ္ဓဘာသာ)၊

၎င်းကို အလတ်တန်းစား ဗုဒ္ဓဘာသာဟုခေါ်ဆိုပါသည်။

(၅) ပညာဓိကဗုဒ္ဓဘာသာ (ပညာဉာဏ်နှင့်ယှဉ်၍ကိုးကွယ်သော ဗုဒ္ဓဘာသာ)၊

၎င်းကို အထက်တန်းစားဗုဒ္ဓဘာသာ ဟုခေါ်ဆိုပါသည်။

ကုလ ဗုဒ္ဓဘာသာဝင်

ကုလဗုဒ္ဓဘာသာဆိုသည်မှာ အဆွေအမျိုးကို အကြောင်းပြု၍ ဗုဒ္ဓဘာသာဖြစ်ခြင်း (ရိုးရာ ဗုဒ္ဓဘာသာ) ဖြစ်ပါတယ်။ အမေ၊ အဖေက ဗုဒ္ဓဘာသာဖြစ်ခြင်းကြောင့် သား၊ သမီးကဗုဒ္ဓဘာသာဖြစ်ခြင်းပါ။

ဗုဒ္ဓဘာသာဆိုတာ ဘာပြောမှန်းမသိ၊ ဘုရားဂုဏ်တော် ဘယ်လောက်ရှိမှန်း မသိ၊ တရားဂုဏ်တော် ဘယ်လောက်ရှိမှန်း မသိ၊ သံဃာ့ဂုဏ်တော် ဘယ်လောက်ရှိမှန်း မသိ၊ မိမိကိုးကွယ်တဲ့ မြတ်စွာဘုရားက ဘာကိုသိပြီး ပွင့်လို့ ပွင့်မှန်းမသိ၊ ဘုရားက ဘာစကားပြောမှန်းလည်း မသိ၊ ဘုရား၏ ၀ါဒသည် ဘာဝါဒမှန်းလည် မသိ ဖြစ်နေကြပါတယ်။

မိမိကိုယ်ကိုဗုဒ္ဓဘာသာလို့ ပြောနေသော်လည်း ဗုဒ္ဓက ဘာပြောမှန်း မသိတဲ့သူများလည်းရှိကြပါတယ်။ ဗုဒ္ဓက ဘာအယူဝါဒ ရှိတယ်ဆိုတာ မသိတဲ့သူလည်းရှိကြပါတယ်။ ထိုကဲ့သို့ ဗုဒ္ဓဘာသာမျိုး ကို ကုလဗုဒ္ဓဘာသာလို့ ခေါ်ပါတယ်။

ကုလဗုဒ္ဓဘာသာတွေရဲ့ စရိုက်က လက်အုပ်တော့ချီတက်ကြပါတယ်။ လက်အုပ်ချီတက်တိုင်း ဗုဒ္ဓဘာသာဟု မသတ်မှတ်နိုင်ပါ။ တချို့က လက်အုပ်ချီရှိခိုးတတ်ရုံမျှနှင့် ဗုဒ္ဓဘာသာ ဟုဆိုကြပါတယ်။ ထို့အပြင် မိမိ ဆောက်တည်သော သီလကို ဘာပြောမှန်းမသိဖြစ်နေတက်ပါတယ်။

ရှေးတုန်းက ကျောင်းဒကာ နှင့် ကျောင်းအမ ရှိပါတယ်။ ကျောင်းဆောက်လှူဒါန်းလို့သာ ကျောင်းဒကာ၊ ကျောင်းအမ လို့ခေါ်တာပါ။ သီလ အကြောင်းကို ဘာတစ်ခုမှ နားမလည်ပါဘူး။

တနေ့ကျတော့ ကျောင်းအမက ဘုန်းကြီးကို အသားဟင်းကပ်ချင်တယ်ဆိုပြီး ငါးရောင်းတဲ့ ဈေးတန်းထဲကို ရောက်သွားပါတယ်။ ငါးရောင်းတဲ့သူကို ငါးတစ်ကောင် ဘယ်လောက်လဲမေးပါတယ်။ ငါးတစ်ကောင် တမတ် ဆိုတော့ ကျောင်းအမက ၀ယ်မယ်လို့ပြောလိုက်ပါတယ်။ ချက်ချင်းဘဲ ဈေးသည်က ငါးအရှင် တစ်ကောင်ကို ယူပြီး သံပိဿာလေးနဲ့ ထုသတ်လိုက်ပါတယ်။

ဒါနဲ့ ကျောင်းအမက ငါးအရှင်ကို သတ်တာဖြစ်လို့ မိမိကြောင့် သေရတယ်ဟုဆိုကာ ငါးကို မယူတော့ဘဲ ပိုက်ဆံပေးပြီး အိမ်ပြန်လာပါတော့တယ်။ အိမ်ရောက်တော့ “သူတို့မလို့ အာဒိန္နာဒါနကံကို မကြောက်တာ” ဟု ကျောင်းဒကာ ကိုပြောပါတယ်။ ကျောင်းဒကာက “သူများအသက် သတ်တာဟာ ကာမေသုမိစ္ဆာစာရကံပါ”ဟု ပြန်ပြောပြပါတယ်။ ဒီလိုနဲ့ နှစ်ယောက်သားငြင်းနေရာမှ ကျောင်းဘုန်းကြီးထံ ရောက်သွားကြပါတယ်။

ကျောင်းဘုန်းကြီးထံလျှောက်တော့ ကျောင်းဘုန်းကြီးက “ငါးကို သံပိဿာလေးနဲ့ထုပြီးသတ်တာနဲ့ ထုပြီးတဲ့ အချိန်မှာ ငါးကလေးက ဖလပ်၊ ဖလပ် ဆိုပြီး သေတဲ့အတွက် သမ္ပပ္ပလာပ၀ါစာကံ”ဟု မိန့်ကြားပါတယ်။

ထိုသို့ဗုဒ္ဓဘာသာက ကုလဗုဒ္ဓဘာသာမျိုးဖြစ်ပါတယ်။

ဥပုသ်ဆောက်တည်တော့မည်နေ့ဆိုလျှင် ဟင်းကောင်းချက် တတ်ကြပါတယ်။ ညစာ မစားရတော့ဘူးဆိုပြီး အားရပါးရစားသောက်တက်ကြပါတယ်။(လူတိုင်းတော့မဟုတ်ပါဘူး)။

ဥပုသ် ဆိုတာ ဥပေါသထ ဆိုတဲ့ ပါဠိမှလာပါ တယ်။

(ဥပ + ၀သထ)၊ ဥပ- ကောင်းမြတ်သော အကျင့်များနှင့် ပြည့်စုံ၍၊ ၀သထ- နေထိုင်ခြင်း။ အကျင့်ကောင်းများနှင့် ပြည့်စုံစွာနေထိုင်သူကို “ဥပုသ်သည်” လို့ခေါ်ပါတယ်။

မိမိဆောက်တည်သော သီလကိုလည်းလုံခြုံအောင် မစောင့်ထိန်းနိုင်ကြပါဘူး။ မိမိတို့ရဲ့ဘာသာတရားကိုလည်း မိမိကိုယ်တိုင် သေချာမသိဘူးဆိုရင် ကုလဗုဒ္ဓဘာသာ ဖြစ်ပါတယ်။

ကုလဗုဒ္ဓဘာသာတွေမှာလွှမ်းမိုးနေတာက မောဟ (တွေဝေမှု)စရိုက် ဖြစ်ပါတယ်။ ကုလဗုဒ္ဓဘာသာတွေဟာ သီလ၊ ဒါန စတဲ့ ကုသိုလ် အလုပ်တွေမှာလည်း အလေးနက်ထားဆောင်ရွတ်မှုမရှိကြပါဘူး။

မိမိတို့ လုပ်ဆောင်နေတာတွေဟာ မှန်သယောင်နဲ့ မှားနေတာ လည်းရှိတက်ကြပါတယ်။ ထို့ကြောင့်
ဗုဒ္ဓဘာသာဘုရားရှင်၏၀ါဒ အတိုင်းကိုယ်ပိုင်ဉာဏ်နှင့် ဝေဖန်သုံးသပ် ဆင်ခြင်ကာ တရားအသိ၊ ပညာတိုးပွားအောင် လေ့လာသင်ယူ နာကြားသင့်ပေသည်။

မိမိကိုယ်ပိုင်ဉာဏ်နှင့် ယုံကြည်ကိုးကွယ်သော ဗုဒ္ဓဘာသာဝင် သူတော်စင်များဖြစ်ကြရအောင် ကြိုးစားအားထုတ် သင့်ပါပြီ။

မိမိသည် တနေ့ကုန်ရင် သေမင်းက မိမိအချိန်ထဲမှ တနေ့ကို နှုတ်ယူသွားပြီဟူသော အသိတရားရရှိကာ စစ်မှန်သော၊ တရားတော်ကို ကိုယ်တိုင်လေ့လာကျင့်ကြံ အားထုတ်ကြပါရန် တိုက်တွန်းရေးသားလိုက်ရပါတယ်။

လာဘ ဗုဒ္ဓဘာသာဝင်

ကျွန်တော်တို့မှာ ဗုဒ္ဓဘာသာဝင်ဖြစ်သည့်အလျောက် ကျွန်တော်တို့ကိုးကွယ်နေသော ဗုဒ္ဓဘာသာဘုရားရှင်က သစ္စာလေးပါးမြတ်တရားကို ကိုယ်တော်တိုင် သိမြင်ပြီးပွင့်ထွန်းလာရသည်ကို သိရန်လိုအပ်ပါလိမ့်မည်။

ဘုရားဖြစ်ပြီးနောက် မိဂဒါဝုန်တော်၌ ပဉ္စ၀ဂ္ဂီငါးပါးကို သစ္စာတရားတော်ဟောကြားခဲ့ပါတယ်။ ဘုရားရှင်၏ တရားဓမ္မကို စတင်ဟောကြားတဲ့ တရားဖြစ်တာကြောင့် ဓမ္မစင်္ကြာတရားလို့သိလာကြပါတယ်။

ဗုဒ္ဓရဲ့တရား တော်များကို အနှစ်ချုပ်လိုက်ရင်(၃)မျိုးသာကျန်ပါတယ်။

(၁) မကောင်းမှု မှန်သမျှကို မပြုနဲ့၊ မလုပ်နဲ့ရှောင်။
(၂) ကောင်းမှု မှန်သမျှလုပ်၊ ပြည့်စုံအောင်လုပ်။
(၃) မိမိစိတ်ကို ဖြူစင်အောင်၊ သန့်ရှင်းအောင်၊ စင်ကြယ်အောင်လုပ်။

ပိုပြီးပြည့်စုံအောင်ပြောရရင် စိတ်ဖြူစင်အောင်လုပ်နည်းတွေမှာ သမထနည်းနဲ့ ဝိပဿနာနည်း (၂)နည်း ရှိပါမယ်။ အပေါ်ကအချက်တွေလောက်ကတော့ ခရစ်ယာန်မှာလဲ ညွှန်ကြားပါတယ်။

ဗုဒ္ဓဘာသာရဲ့လိုရင်း အနှစ်ချုပ်မှာတော့ ကိလေသာကို အမြစ်ပြုတ်အောင် ပယ်သတ်ရမယ်လို့ မှတ်ယူကြရ ပါမယ်။

ကိလေသာဆိုတာကတော့ ရယူလက်ခံထားသူရဲ့ စိတ်နှလုံးကို ပူလောင်ဆင်းရဲအောင် နှိပ်စက်တတ်တဲ့
တရားတွေပဲ ဖြစ်ပါတယ်။ ကိလေသာရှိနေသမျှ သံသရာကမလွတ်ဘဲ တ၀ဲလည်လည်ကျင်လည်ပြီး
သေပြီးရင်း သေနေရဦးမှာဖြစ်လို့ ကိလေသာကိုလည်း သတ်တတ်တဲ့ “မာရ်”လို့ခေါ်ပါတယ်။

ကိလေသာ အကျဉ်း(၁၀)ပါးရှိပါတယ်။ အမျိုးအစားအားဖြင့် (၃)မျိုးရှိပါတယ်။

(၁) ၀ိတိက္ကမ ကိလေသာ- အာရုံ (၅)ပါး ကို နှစ်သက်တွယ်တာ၍ ကာယကံ၊ ၀စီကံ၊ မနောကံတို့ဖြင့် လောဘ၊ ဒေါသ အလျောက်ဖောက်ပြန်ကျူးလွန်စေတတ်မှု။ (သီလစောင့်ထိန်းခြင်းဖြင့်တားဆီရန်)။

(၂) ပရိယုဌာန ကိလေသာ- မနော ဒွာရ၌ ထကြွသောင်းကျန်းတတ်သည့် ကိလေသာ။ (သမထ ဘာဝနာ ကျင့်ကြံခြင်းဖြင့် တားဆီးရန်)။

(၃) အနုသယ ကိလေသာ- သံသရာတလျှောက် အစဉ်ကိန်းအောင်းနေခဲ့ပြီး အခါအခွင့်သင့်သောအခါ ပေါ်ထွက်လာပြီး ဖောက်ပြန်ကျုးလွန်တတ်သော ကိလေသာ။ (၀ိပဿနာ ဘာဝနာအားထုတ် ခြင်းဖြင့် အမြစ်ဖြုတ် ပယ်သတ်ရန်)။

ဒီအချက်က ဗုဒ္ဓဘာသာမှာပဲရှိတာဖြစ်ပါတယ်။ စိတ်လုံးဝ ဖြူသွားအောင် ၀ိပဿနာလုပ်ရမယ် ဆိုတာမှ ဗုဒ္ဓဘာသာရဲ့လိုရင်းဖြစ်မယ်။

ဤမျှလောက်သတ္တ၀ါတွေ သံသရာ ၀ဋ်ဆင်းရဲဘေး၊ ကိလေသာဘေး၊ အပယ်ဘေးတို့မှ လွတ်မြောင်အောင်
သစ္စာတရားများ ဟောကြားခဲ့သော ဗုဒ္ဓဘုရာရှင်ကို လာဘ်လာဘ ပေါများအောင်အတွက် ကိုးကွယ်နေကြသော သူများကို လာဘဗုဒ္ဓဘာသာ ဟုခေါ်ပါတယ်။

ဗုဒ္ဓဘုရားရှင်ကို အမှန်တကယ်ကြည်ညိုသောစိတ် မဟုတ်ဘဲ မိမိတို့အလုပ်အဆင်ပြေအောင်၊ မိမိတို့ လာဘ် ပေါများအောင် ဘုရားရှင်ကိုသာ ကိုးကွယ်မှု မဟုတ်တော့ဘဲ ဘိုးတော်၊ မယ်တော်၊ ဓာတ်တွေ၊ နတ်တွေကိုပါ ကိုးကွယ်နေတတ်ကြပါတယ်။ ဥုံ၊ သြောင်းတွေ ထဲ့ရွတ်ကာ ဘုရားရှိခိုး နေတတ်ကြပါတယ်။

ထိုသူများဟာ ဘုရားရှင်ကို မလေးစားသိလိုပင် ဖြစ်နေပါတယ်။ ဘုရားကိုလည်း အမျိုးမျိုးနာမည်တွေပေးကာ လူတွေအကြိုက် လိုက်လုပ်နေကြတာတွေလည်း ရှိပါတယ်။

လာဘမုနိဘုရားဆိုတော့ လာဘ်ပေါများအောင်ဟုဆိုကာ ရွေးပြီးကိုးကွယ် ကြပါတယ်။ ထိုသို့ဆိုလျှင် ထိုဘုရားကို မကိုးကွယ်ဘဲ ချမ်းသာနေကြသော ခရစ်ယာန်၊ မူဆလင်များရှိပါတယ်။

ကျွန်တော်တို့ ဗုဒ္ဓဘုရားရှင်က အို၊ နာ၊ သေ ဆင်းရဲအပေါင်းမှ လွတ်မြောက်အောင် တရားဟောကြားခဲ့တာပါ။ လာဘ်များအောင် ကယ်တင်မှာလည်းမဟုတ်ပါဘူး။ ထိုအကြောင်းကိုမှ မသိဘဲ ဘုရားကို ယတြာချေတာ၊
မိမိအကျိုးကိုလိုလားပြီး ဘုရားကိုလှူတာမျိုးကို လာဘဗုဒ္ဓဘာသာတွေလုပ်ကြပါတယ်။

အတုအယောင်တွေကြားမှာ သာသနာတော်က မှေးမှိန်လာရပါတယ်။ ကြာကြာစံရအောင်ဆိုပြီး ကြာဇံ လှူကြပါတယ်၊ အကြံအစည်ကောင်းအောင် “ကြံ” လှူပါတယ်။ ပေါက်ပေါက်မြောက်မြောက်ရှိအောင်
ပေါက်ပေါက်ဆုပ် လှူကြပါတယ်။ “ထော”အောင်ဆိုပြီး ထောပတ်သီး လှူကြပါတယ်၊ ဘုရားကိုလှူတော့ အလုံးလိုက်လှူတယ်။ မိမိစားတော့ သကြား၊ နို့ဆီနဲ့ပေါက်စားကြပါတယ်။ (ဖြစ်သင့်လား၊ မဖြစ်သင့်ဘူးလား ဆိုတာ စာဖတ်သူများပင် စဉ်းစားကြည့်ကြပါ)။ ထို့အပြင် ကိုးကွယ်မှု မပြုလုပ်အပ်တာများကိုပါ လုပ်ဆောင်လာကြပါတယ်။

တဆက်တည်း သူရဿတီဆိုသော ရုပ်ထုအကြောင်း အနည်းငယ်ပြောလိုပါတယ်။ အိန္ဒိယနိုင်ငံမှာ သူရဿတီ အမည်ရှိသော မြစ်ကလေး တစ်စင်းရှိတယ်။ နွေအခါမှာ သောင်များပေါ်သောအခါ ထိုသောင်များပေါ်တွင် ကုလားများက သီးပင်စားပင်များစိုက်ကြရာ အလွန်ဖြစ်ထွန်းတယ်။ ဒါလောက် ဖြစ်ထွန်းရင် ဒီမြစ်ကို စောင့်တဲ့ နတ်က 'မ'တာဖြစ်မယ်ဟူသော စိတ်ကူးယဉ်အတွေး ပေါ်လာကြပါတယ်။ သာယာညင်းပျောင်းစွာ စီးဆင်းသော မြစ်ရေကိုကြည့်၍ နတ်သမီးသာဖြစ်ရမည်ဟု ဆုံးဖြတ်ကြကာ မြစ်ကမ်းနားတွင် နတ်သမီးရုပ် တစ်ရုပ်ထုလုပ်ပြီး ကိုးကွယ်ကြပါတယ်။

နောက်တဖြည်းဖြည်း နယ်ကျယ်လာရာမှ ဗေဒင် သုံးပုံကို သူရဿတီလက်ထဲ ထည့်ပေးလိုက်သောအခါ သူရဿတီသည် ဟိန္ဒူဘာသာဝင်အားလုံးတို့၏ အထွတ်အမြတ်ထားရာ နတ်သမီးအဖြစ်သို့ ရောက်သွား ပါတယ်။

ထိုမှတဆင့် မြန်မာနိုင်ငံသို့ ၀င်လာသောအခါ ဘာသာရေးလုပ်ကြံလိုသူ တစ်စုကဗေဒင်သုံးပုံ စောင့်တာဆိုလျှင်
ဗုဒ္ဓဘာသာဝင်များက အလေးထား ကိုးကွယ်ကြမည်မဟုတ်။ ထို့ကြောင့် ဗုဒ္ဓဘာသာဝင်များက အလေးထား ကိုးကွယ်ကြစေရန် ဗေဒင်သုံးပုံအစား ပိဋကတ်သုံးပုံစောင့်သည်ဟုဆိုကာ သူရဿတီလက်ထဲသို့ ဗုဒ္ဓ၏ တရားရတနာ ပိဋကတ်သုံးပုံကို ထည့်ပေးလိုက်ပါတော့တယ်။

အမှန်တကယ်မှာ ဗုဒ္ဓဟောကြားတော်မူခဲ့သည့် တရားတော်များကို သံဃာတော်များက ပထမသင်ဂါယနာမှ
ဆဋ္ဌမသင်ဂါယနာတိုင်အောင် ဆင်းရဲမျိုးစုံကြားမှ မပျောက်ပျက်အောင် ထိန်းသိမ်းခဲ့ကြရပါတယ်။ ယခုလည်း စောင့်ရှောက်ထိန်းသိမ်းဆဲ နောင်လည်းစောင့်ရှောက်ထိန်းသိမ်း နေမည်သာဖြစ်တယ်။

ယခုတော့ အသက်အသေခံပြီး ပိဋကတ်ကို ထိန်းသိမ်းစောင့်ရှောက်ခဲ့သော သံဃာတော်များ မျက်နှာကိုမျှ မထောက်ဘဲ ပိဋကတ်သုံးပုံကို သူရဿတီစောင့်သည်ဆိုကာ ကုလားမရုပ်ကို ဘုရားရုပ်ပွားတော်နားမှာ လာထားကြပါတယ်။

ဆရာတော်များမှ ယနေ့တိုင် ဟောကြားဆုံးမနေသော်လည်း လိုက်ပါမလုပ် ဆောင်မှုများရှိကြပါတယ်။ နှောင်းလူ တွေရဲ့စိတ်မှာ ကိုကွယ်းအားထားစရာလို့မှတ်ထင်သွားမှာကို စိုးရိမ်မိပါတယ်။ မိမိတို့ သိပြီးသောသူများမှ ထိုအယူမှားများကို ပြင်နိုင်ဖို့လည်းလိုအပ်ပါမယ်။

ဘုရားရှင်က စီးပွားရေးတက်ချင်ရင် ကံ၊ ဉာဏ်၊ ၀ိရိယ သုံးပါးလုံးကို အားကိုးရမည် ဟုဆိုပါတယ်။ ထိုသို့ မသိကြရသည့်အတွက် ကိုးကွယ်၊ အားထားမှုတွေ လွဲမှားကာ သရဏဂုံ ညှိုးနွမ်းရပါတယ်။

အကယ်၍နတ်ကို ကိုးကွယ်ပြီးသေပါက အန်ဖတ်စား ပြိတ္တာ ဖြစ်ရပါမယ်။

လာဘ်လာဘ လိုချင်တပ်မက်နေသော လာဘ ဗုဒ္ဓဘာသာများမှာ အခြားသောကိုးကွယ်မှုတွေများစွာ လုပ်တတ်ကြပါတယ်။

လာဘ ဗုဒ္ဓဘာသာတွေရဲ့စိတ်မှာ ခေါင်းဆောင်နေတာသည် တဏှာ(လိုချင်တပ်မက်မှု) ဖြစ်ပါတယ်။ တဏှာ နှင့်ပြုလုပ်သော ကုသိုလ်၊ အကုသိုလ်အလုပ်မှန်သမျှက ဆင်းရဲကြောင်းဘဲဖြစ်ပါတယ်။ တဏှာဦးဆောင်နေသ၍ သံသရာက မလွတ်မြောက်နိုင်ပါဘူး။

ဘုရားရှင်ပွင့်လာပြီး တရားဟောတာက အို၊ နာ၊ သေဆင်းရဲက လွတ်စေချင်လို့ပါ။ မိမိတို့လုပ်နေတာက ဆင်းရဲကြောင်းတွေသာ ဖြစ်နေမယ်ဆိုရင်တော့ ဘုရားကိုကျောခိုင်းနေသူပမာ ဖြစ်ပေတော့မည်။

ထို့အတွက်ကြောင့် ရခဲလှတဲ့လူ့ဘ၀၊ ကြုံရခဲတဲ့ ဘုရားသာသာနာကာလမှာ မိမိအသိအမြင်၊ ကိုးကွယ် ယုံကြည်မှု မမှားကြစေရန် ရေးသား၍ ဓမ္မဒါနပြုအပ်ပါတယ်။

ဘယ ဗုဒ္ဓဘာသာဝင်

ဘယ ဗုဒ္ဓဘာသာဆိုသည်မှာ ဘေးအန္တရာယ်ကြောက်၍ကိုးကွယ်ရသော ဗုဒ္ဓဘာသာမျိုးဖြစ်ပါတယ်။

ကျွန်တော်တို့ ဗုဒ္ဓဘုရားရှင်က ဘေးန္တရာယ်မှ လွတ်မြောက်အောင် ကယ်တင်နိုင် တာမဟုတ်ပါဘူး။ ဘုရားရှင် ဟောကြားခဲ့သော တရားတော်များသည်သာလျှင် အို၊ နာ၊ သေဘေး စတဲ့ဆင်းရဲအပေါင်းမှ ကယ်တင်နိုင်မှာ ဖြစ်ပါတယ်။

ထို့ကြောင့် “အဆင်းသာရှိ၍ အနံ့မရှိသော တင့်တယ်လှပသော(ပေါက်ပန်းပွင့်စသော)ပန်းသည် ပန်ဆင်သူ အားလုံးအား အနံ့တည်းဟူသော အကျိုးကို မဆောင်နိုင်သကဲ့သို့ ကောင်းစွာ ဟောကြားတော်မူအပ်သော တရားတော်သည် မလိုက်နာ၊ မကျင့်ကြံသူအား အကျိုးကိုမဆောင်နိုင်”ဟူ၍ ဓမ္မပဒ မှာရေးဖွဲ့ထားပါတယ်။

ဘုရားရှင်ကို မိမိတို့အတွက် ကျရောက်လာမည်ထင်သော လောကီ ဘေးအန္တရာယ်အပေါင်းမှ လွတ်မြောက်ရာ အတွက်သာ ကိုးကွယ်မည် ဆိုပါက ဘယ ဗုဒ္ဓဘာသာပင် ဖြစ်ပါလိမ့်မည်။

အဆင်မပြေမှုတွေများသောအခါမှာ မိမိတို့အတွက် ကယ်တင်ပေးနိုင်မည်ထင်၍ အခြားသော ကိုးကွယ်မှုတွေကို ပို၍ပင် လုပ်ဆောင်နေကြတာရှိပါတယ်။ ဒါတွေဟာ မသိမှု(အ၀ိဇ္ဇာ)ကြောင့်ဖြစ်ပါတယ်။ ထိုသို့ အခြားအရာ တွေကို ယုံကြည်မှုပြုကြတဲ့အတွက်ကြောင့် သရဏဂုံညှိုးနွမ်းရပါတယ်။ ပျက်ဆီးရပါတယ်။

ဘုရားရှင်ကဖြစ်လာသမျှအကျိုးတရားတို့သည် ပြုလုပ်ခဲ့သော အကြောင်းတရားကြောင့်သာ ဖြစ်တယ်ဆိုတာ ဟောကြားတော်မူခဲ့ပါတယ်။ အကြောင်းအကျိုးကို နားမလည်လျှင် ထိုအယူမှားများကို လုပ်ဆောင်နေကြမည် သာဖြစ်ပါတယ်။

စစ်မှန်သောဗုဒ္ဓဘာသာဝင်ဆိုသည်မှာ ဘုရား တရားကို နားထောင်၊ လိုက်နာသောသူများကိုသာ ခေါ်ဆိုထိုက် ပါတယ်။ ထိုအကြောင်းကို မသိဘဲ ထင်ရာလုပ်နေကြတော့ ဒုက္ခရောက်ကြရတာပါ။ နတ်ပြည်၊ ဗြဟ္မာပြည် တို့သည်လည်း ဒုက္ခတိဘုံများပင်ဖြစ်ပါတယ်။

မိမိတို့လုပ်ဆောင်နေသော ဒါန၊ သီလ၊ ဘာဝနာ ကုသိုလ်ကောင်းမှု အစုစုတို့သည် ဒုက္ခခပ်သိမ်း ကင်းငြိမ်းရာ အမှန် နိဗ္ဗာန်ကိုသာ ရည်စူးထားရပါမယ်။ ဆုတောင်းတိုင်းပြည့်မည် မဟုတ်ပါ။ မိမိပြုလုပ်သော ကောင်းမှု၊ မကောင်းမှုသည်သာ မိမိအတွက် ကောင်းကျိုး၊ မကောင်းကျိုးကိုပေးနေတာ ဖြစ်ပါတယ်။

သစ္စာစကားနှင့် ပြောရလျှင် သမုဒယ(ပယ်သတ်ရမည့်တရား)ကြောင့် ဒုက္ခ(ဆင်းရဲခြင်း) ဖြစ်ရတာပါ။ ထို့ကြောင့် အကြောင်းတရား သမုဒယကို မပြုလုပ်ဘဲ ပယ်သတ်ရပါမည်။ ထိုသို့သိနေပြီး လုပ်ဆောင်နေခြင်းသည်ပင် မဂ္ဂသစ္စာ(ပွားများရမည့်၊ ကျင့်ကြံရမည့်တရား)ကို ကျင့်နေခြင်းဖြစ်နေပါတယ်။

ယခုလို သာသနာတော်နှင့် ကြုံနေသောအချိန်၊ တရားတော်များကို နာကြား နားလည်နိုင်သော လူဘ၀ရနေတဲ့ အချိန်မှာမှ စစ်မှန်သော တရားနည်းလမ်းများအတိုင်း မလိုက်နာနိုင်လျှင် လူဖြစ်ရကျိုးနပ်မည်မဟုတ်ပါ။

မိမိလုပ်ဆောင်နေတာသည် ဘာတွေဖြစ်နေလဲဆိုတာသိဖို့တော့လို အပ်ပါလိမ့်မယ်။

မိမိတို့အခက်ခဲဖြစ်လာပြီဆိုလျှင် ဗေဒင်မေး၊ နတ်တွေမေးကာ ယတြာချေတတ်ကြပါတယ်။ ဒီပညာတွေမှာ လွဲမှားနိုင်တဲ့ အချက်(၂)ချက်ရှိပါတယ်။

(က) ဟောသူက မကျွမ်းကျင်လို့ဖြစ်စေ၊ ရွှီးနေလို့ဖြစ်စေ၊ ကျက်မှတ်ထားတာ၊ တွက်ချက်တာတွေ၊ ဆုံးဖြတ်တာတွေ မှားလို့ဖြစ်စေ လွဲနိုင်ပါတယ်။

(ခ) နောက်တစ်ချက်က အဟောခံရသူကိုယ်တိုင်ရဲ့ ပြုမူဆောင်ရွက်ချက်တွေကြောင့်လဲ လွဲနိုင်ပါတယ်။

ဖြစ်ပုံကတော့ ကိုယ်ဟောနေတာ ဆုံးဖြတ်တာမှန်ရဲ့သားနဲ့ လာမေးသူက မမှန်သလို အမူအရာပြတာကြောင့် ပုထုဇဉ်ဗေဒင်ဆရာလဲ စိုးရွံ့ပြီး မှန်နေရာကနေ အမှားတွေ ဟောမိတတ်တယ်။ ဒါအပြင့် အားလုံးမှန်နေပေမယ့်
လာမေးသူက ကောင်းမှုတွေလုပ်ပြီး မကောင်းကံတွေကို တားနိုင်တာကြောင့်လဲ မှားသွားတတ်ပါတယ်။

ဘုရားရှင်ရှိစဉ်ကပဲ ပုဏ္ဏားတစ်ယောက်ဟာ ကိုယ့်ကိုယ်ကို တွက်ကြည့်တော့မဝေးတော့တဲ့ တစ်ခုသော လပြည့်ညသန်းခေါင်မှာ သေမယ်လို့ အဖြေရပါတယ်။ သူ့မိန်းမကလဲ တွက်ကြည့်တော့လဲ ဒီလိုပဲ။ ဒီတော့
ဘုရားရှင်ကိုလာမေးပါတယ်။ ဘုရားရှင်ကလည်း သေမယ် လို့ပဲဟောပါတယ်။ အဲဒီအခါ ပုဏ္ဏားလန့်ပြီး ငါသာ မျောက်ဖြစ်ရင်စားဖို့ ငှက်ပျောသီးပင်တွေစိုက်မယ်၊ ငှက်ဖြစ်ရင်နေဖို့ ညောင်ပင်စိုက်မယ်၊ ငါးဖြစ်ရင်နေဖို့ ရေကန်တူးမယ် စသဖြင့် အမျိုးမျိုး စဉ်းစားပြီး စိုက်ပျိုးလိုက်တာ အများကြီးပါပဲ။

နောက်တော့ လမ်းဖောက်တာတွေပါ ပါလာတယ်။ သူက ကုသိုလ်ရဖို့တော့ မဟုတ်ပါဘူး။ သူသေပြီး ဘာကောင် ပြန်ဖြစ်ဖြစ် နေရတာ အစဉ်ပြေအောင် လုပ်တာပါပဲ၊ ဒါပေမယ့် သူစိုက်ပျိုးထားတာတွေ ကြီးလာတော့ မျောက်တွေ၊ ငှက်တွေ၊ ငါးတွေ စသည်ဖြင့် စားကြ၊ သောက်ကြ၊ နေကြ၊ နားကြ ဖြစ်နေပါတယ်။

အဲဒီညမှာတော့ သူက အားလုံးကို နှုတ်ဆက်ပြီး အိပ်ယာပေါ်မှာ သေမယ့်အချိန်ကို စောင့်နေပါတယ်။
အာရုဏ်တက်ချိန်အထိလဲ မသေရော၊ သူ့ကို စိတ်ဆင်းရဲအောင် လုပ်ရမလားလို့ ဘုရားရှင်ကို စိတ်ဆိုးပြီး ရန်တွေ့ဖို့ ထွက်လာပါတယ်။

ဘုရားရှင်က ဟောအပြီးနောက်ပိုင်း ဘာတွေလုပ်လဲဆိုတာ မေးပြီး ဒါတွေဟာ အသက်ရှည်ရာကောင်းမှုတွေ ဖြစ်ကြောင်း ဟောပါတယ်။ ဒီတော့ သာမာန်ဗေဒင်လို သက်သက်မှာ မမှန်နိုင်ဘူးဆိုတာ သိသာပါတယ်။ ကံ နဲ့ ကံ ရဲ့အကျိုးကို ယုံရပါမယ်။

ဒီလိုမဟုတ်ဘဲ ဂြိုလ်စီး၊ ဂြိုလ်နင်း၊ နက္ခတ်၊ ရာသီ နဂါးခေါင်းလှည့်၊ လက်ဝါးမှ လမ်းကြောင်းများ ညွှန်ရာတွေကိုပဲ ယုံနေမယ်ဆိုရင် ကံ နဲ့ ကံ၏အကျိုးကို ပယ်ရာကျပြီး ကမ္မဿကတ သမာဒိဋ္ဌိ မဖြစ်တော့ဘဲ မိစ္ဆာဒိဋ္ဌိတောင် ဖြစ်သွားပါမယ်။

ထိုအကြောင်းတွေမသိဘဲ မိမိတို့ဘေးဖြစ်မှာ ကြောက်ပြီး ဘုရားမှာ ယတြာချေတဲ့ အနေနဲ့ ကိုးကွယ်နေတာ ကတော့ ဘယ ဗုဒ္ဓဘာသာ ဖြစ်ပါတယ်။

ဘုရားဟောတဲ့ ပဋ္ဌာန်းတရား(၂၄ ပစ္စည်း) ကိုလည်း စည်းချတယ်ဆိုပြီး ရွတ်ဖတ်တာ ရှိကြပါတယ်။ စဉ်းစားကြည့်ရင် ဘုရားရဲ့တရားကို အစောင့်ချသလိုဖြစ်နေပါတယ်။ မလုပ်သင့်ပါဘူး။

အသက်ငယ်စဉ်အခါထဲက အမှတ်မမှားကြရအောင် သတိရှိကြရပါမယ်။ အမှတ်မှား၊ အသိမှား၊ အယူမှားပြီး
သံသရာကလွတ်နိုင်မှာမဟုတ်တော့ပါ။ ထို့ကြောင့် မိမိတို့ဘေးကိုကြောက်လို့၊ လာဘ်လိုချင်လို့၊ မိရိုးဖလာအရ စသည်ဖြင့် မကိုးကွယ်ကြပါရန် သတိပေး ရေးသားအပ်ပါတယ်။

ထိုသို့ဖြစ်နေပါကလည်း စိတ်ဓာတ်ကျစရာ မလိုပါဘူး။ “ပညာဟူသည် အိုသည်မရှိ”တဲ့။ မိမိတို့သိရှိပြီးတာနဲ့ ပြင်လိုက်ရင် အကောင်းဆုံးဖြစ်မှာပါ။ အသိတရား ကို လိုက်ကျင့်နိုင်မှသာ တရား၏အနှစ်သာရကို ခံစားရမှာ ဖြစ်ပါတယ်။

သဒ္ဓါကိုအဖော်ပြု၍ ဉာဏ်နှင့်ယှဉ်သော သူတော်ကောင်းများဖြစ်ကြပါစေ။

မှတ်ချက် ။  ။http://plusair.blogspot.comကူးယူဖော်ပြသည်

သဒ္ဓါဓိက ဗုဒ္ဓဘာသာဝင်

ကျွန်တော်တို့တွေသည် ဘာသာဝင်အရပြောရရင် ဗုဒ္ဓဘာသာဝင်တွေဖြစ်ကြပါတယ်။ ဗုဒ္ဓဘာသာဝင် ဖြစ်လာ ခဲ့ရင် ဘုရားသာသနာတော်နဲ့ ကြုံနေတဲ့ကာလမှာ ကမ္မဿကတ (ကံ၊ ကံ၏အကျိုးကို ယုံကြည်သော ဉာဏ်)နှင့် သစ္စာနုလောမိကဉာဏ်(သစ္စာသိတဲ့ဉာဏ်) ရအောင်ကြိုးစားနိုင်မှသာလျှင် အထက်တန်းစားဗုဒ္ဓဘာသာဝင် ဖြစ်ပါမယ်။

သဒ္ဓါဓိက ဗုဒ္ဓဘာသာ ဆိုသည်မှာ သဒ္ဓါတရားကိုအရင်းခံပြီး ဘုရား၊ တရား၊ သံဃာ ရတနာမြတ်သုံးပါးကို ယုံကြည်တဲ့ ဗုဒ္ဓဘာသာ ဖြစ်ပါတယ်။

ကိုးကွယ်ရာမှာ သဒ္ဓါတရားနှင့် ပညာဉာဏ် အတွဲညီရပါမယ်။ သဒ္ဓါတရားလွန်ကဲ ပညာနည်းက အလွဲယုံကြည်မှု ဖြစ်တတ်ပါတယ်။

ပညာမပါတော့ အရာရာတိုင်းကို ယုံကြည်လွယ်ပါတယ်။ ဗုဒ္ဓဘာသာ ဘုရားရှင်၏ ၀ါဒက ၀ိဘဇ္ဇ၀ါဒ ဖြစ်ပါတယ်။
(ကိုယ်ပိုင်ဉာဏ်နှင့်ဝေဖန်ပိုင်းခြားရသည့်ဝါဒ ဖြစ်ပါတယ်)။ ယုံကြည်မှုလွန်ကဲပြီး ဘိုးတော်၊ ဘွားတော်၊ နတ်တွေကို ယုံကြည်မိရင် ဒိဋ္ဌိ ဖြစ်ပါမယ်။

မိမိကအမှားလုပ်နေရင်ထိုအမှားကို ပြင်နိုင်ရပါမယ်။ သိပြီးတော့ပြင်နိုင်တဲ့ပုဂ္ဂိုလ်ကို တိဟိတ်ပုဂ္ဂိုလ်ဟု ခေါ်ပါ တယ်။ တိဟိတ်ဆိုတာက အမောဟ(ပညာ) ပြဋ္ဌာန်းပါတယ်။ တိဟိတ်ပုဂ္ဂိုလ်က ဒီဘ၀မှာဘဲ တရား ရနိုင်ပါ တယ်။ မိမိသည် တိဟိတ်လား၊ ဒွိဟိတ်လားဆိုတာ ကိုယ့်ကိုကိုယ်ပြန်ပြီး မေးကြည့်ရင် သိနိုင်ပါတယ်။

ဘုရားရှင်လက်ထက်တော်တုန်းက သူငယ်ချင်းနှစ်ယောက် ရှိပါတယ်။ တစ်ယောက်က နွားလို ကျင့်တယ်၊ နောက်တစ်ယောက်က ခွေးလို ကျင့်ကြံကြတယ်။ ထိုအကျင့်တွေဟာ တရားမရနိုင်ပါဘူး။ သူတို့တွေကျင့်တာ နှစ်ပေါင်း(၃၃)နှစ် ကြာလာသော်လည်း ဘာတရားမှမရကြဘူး။ သူတို့ဆရာကြီးတွေပြောသလို တစ်ခုမှ
ဖြစ်မလာတော့ သူငယ်ချင်းနှစ်ယောက်တိုင်ပင်ပြီး ဘုရားထံလျှောက်ကြားပါတယ်။

ဘုရားက နွားလိုကျင့်ပြီးသေရင် နွားဖြစ်မယ်။ နွားလိုကျင့်တာက ပစ္စုပ္ပန်မှာလည်း စီးပွားတက်မယ်၊ သံသရာ မှလည်း လွတ်မြောက်မယ် ဆိုတဲ့အယူကို မစွန့်ဘဲနဲ့ဆိုရင် နွားဘ၀ကသေရင် အ၀ီဇိငရဲ ကျမယ်လို့ ဟောတော်မူ ခဲ့ပါတယ်။

ထို့ကြောင့် ပညာမွဲတော့ လွဲတက်ပါတယ်။ သဒ္ဓါနှင့် ပညာညှိနှိုင်းပြီးမှ ယုံကြည်ကြဖို့လိုပါတယ်။ သဒ္ဓါနောက်က ပညာပါရင် အဲဒီသဒ္ဓါတရားက နိဗ္ဗာန်ထိ ပို့ဆောင်နိုင်ပါတယ်။

ယခုလည်း မိမိယုံကြည်ချက်ကို ဘုရား၊ တရား၊ သံဃာ အပေါ်မှာသာ မထားဘဲ နတ်တွေအပေါ်မှာ လည်းထားရှိနေကြပါတယ်။ သေချာစဉ်းစာကြည့်ရင် (၃၇)မင်းနတ် အားလုံးဟာ အသေဆိုးနဲ့သေခဲ့ကြတာပါ။
အစွဲကြီးပြီးတော့ ပြိဿာတွေ ဖြစ်နေတဲ့သူတွေဘဲဖြစ်ပါတယ်။

ဒါတွေကို ယုံကြည်နေမယ်ဦး ဆိုရင်တော့ မိမိဘယ်လိုဖြစ်မယ်ဆိုတာ မိမိကိုယ်တိုင်သိသင့်ပါပြီ။

နတ်နဲ့မင်္ဂလာဆောင်တယ်ဆိုတာက ရှိပါသေးတယ်။ အဲဒီ နတ်ကတော်အမျိုးသမီးမှာလည်း အမျိုးသားက ရှိပြီးသားပါ။ ဘယ်လိုဖြစ်မယ်ဆိုတာ စဉ်းစားကြည့်ရင်သိနိုင်ပါတယ်။ ဒါတွေကအင်မတန်ကို မှားနေကြ တာတွေပါ။ ပြောမယ်ဆိုရင် ရေးလို့ပင်ကုန်မှာမဟုတ်တော့ပါဘူး။

ဒီလိုအယူမှားတွေ၊ အမွေဆိုးတွေကို နောက်ပိုင်းလူငယ်တွေမှာ မဖြစ်ကြရန် မိမိတို့က ပြောပြပေးနိုင်ရပါမယ်။ မိမိတို့ယုံကြည်မှုတွေရဲ့နောက်မှာ ပညာမပါတော့ အလွဲလွဲ၊ အမှားမှားတွေ ဖြစ်ကြရပါတယ်။

ကျွန်တော်ရေးသားထားသည်ကိုပင် မိမိဉာဏ်နှင့် ဆုံးဖြတ်ပြီးမှ ယုံပါ။

ကံနှင့် ကံ၏ အကျိုးပေးကို ယုံကြည်ရင် ဘိုးတော်တွေ၊ နတ်တွေကို ပူဇော်နေစရာမလိုတော့ပါဘူး။

ဘုရားကိုးဆူ ပူဇော်တာတွေလည်းရှိကြပါတယ်။ ဘုရားကို ပူဇော်တာဖြစ်လို့ ကုသိုလ်တော့ ဖြစ်ပါတယ်။ သို့ပေမယ့် မသန့်ရှင်းပါဘူး။ ဘုရားကိုးဆူ ပူဇော်တာဟာ ထေရ၀ါဒမှကျင့်စဉ် တစ်ရပ်လည်း မဟုတ်ပါဘူး။ ဘုရားကိုပဲ သန့်သန့်ရှင်းရှင်း ပူဇော်လိုက်ပါ။

ဘယ်ကစသလဲ ဆိုတော့။ ဝေသာလီပြည် ကပ်ဆိုက်တော့ ပြည်သူတွေက နတ်မင်းကြီးကိုးပါးက လုပ်ထား တာဆိုပြီး နတ်မင်းကြီးကိုးပါးကိုပူဇော်ဖို့အတွက် ဗလိနတ်စာပူဇော်ပွဲဆိုပြီး သတ္တ၀ါကိုးကောင်၊ ကိုးမျိုးနဲ့ ပူဇော်ကြတာပါပဲ။

ဘုရားကိုး ဆူစင်မှာ မြတ်စွာဘုရားရှင်က အလယ်က၊ ဘေးမှာ ရဟန္တာအရှင်မြတ်များ။ ထပ်ပြီးတော့ ၀န်းရံထားတာက နတ်မင်းကြီးကိုးပါး။ ထပ်ပြီးပါပါသေးတယ်။ သူတို့ရဲ့ကိုယ်စားလှယ်တော်များဖြစ်တဲ့ တိရိစ္ဆာန်ကိုးကောင်။

မြတ်စွာဘုရားရှင်ကို ရောနှောပြီး စင်တစ်ခုတည်းမှာ ဗြဟ္မဏတွေနဲ့ရောပြီး ကိုးကွယ်တာ မဖြစ်သင့်ပါဘူး။

ဘယ်ဘုရားလေးက ဘယ်မှာနေဆိုတာမျိုး စသဖြင့်ဘုရားကိုးဆူဆရာက ဘုရားဆရာလိုလို ဆရာလုပ်နေ ပါတယ်။ ရွတ်ဖတ်နေတာကလည်း ဘေးကင်းအောင်ကြီးပဲ။ ပုဏ္ဏားတွေရဲ့လေသံနဲ့ပြောတာပါ။ ဒါတွေက ပညာမပါလို့ ဖြစ်နေရတာပါ။ ကိုးန၀င်းမိုးလင်းမှ သိမယ်ဆိုတာလည်း အတော်ကိုစွဲနေကြပါတယ်။

ကိုးန၀င်းစိတ်တာကို မကောင်းဘူး၊ ကုသိုလ်မရဘူး ပြောတာမဟုတ်ပါဘူး။ န၀င်းတွေ၊ ဥုံ၊ သြောင်းတွေဆိုတာ ထေရ၀ါဒမှာ မရှိပါဘူး။ မြန်မာတွေက ကိုးဂဏန်းကို ကြိုက်တော့ လူ့အကြိုက် လိုက်လုပ်နေကြသလိုပါဘဲ။

ဗုဒ္ဓဂုဏ်တော်ကို တစ်ခေါက်ပဲရရ စိတ်ထဲမှာ သန့်သန့်လေးပွားလိုက်ပါ။ ဗုဒ္ဓနုဿတိဖြစ်အောင် ပွားများကြပါ။ မိမိနှစ်သက်တဲ့ ဂုဏ်တော်ကို အချိန်နေရာ မရွေးပွားများနိုင်ပါတယ်။ ပြဿဒါး၊ ရက်ရာဇာရွေးစရာမလိုပါဘူး။

ဘုရားရှင်က ပုဗ္ဗာဏှသုတ်မှာ ကိုယ်၊ နှုတ်၊ စိတ် (၃)ပါးကို ကောင်းမွန်မြင့်မြတ်အောင် ကြိုးစားနေထိုင်လျှင် အချိန်တိုင်းဟာ ကောင်းသောနက္ခတ်၊ ကောင်းသောနိမိတ်များသာ ဖြစ်နေမည့်အကြောင်း ရတနာ (၃)ပါးကို
အခြေခံတိုင်တည် သစ္စာတရားကို ဖော်ကျူးဟောကြားခဲ့ဖြစ်ပါတယ်။

ထို့ကြောင့်မိမိတို့ ရှိနှင့်ထားသော သဒ္ဓါတရားကို ပညာဉာဏ်နှင့် အတွဲညီစွာ ကိုးကွယ်၊ အားထုတ်နိုင်မှသာ ဗုဒ္ဓဘာသာဝင် ဖြစ်ရကျိုးနပ်ပါလိမ့်မည်။

စာဖတ်သူများ အသိဉာဏ် ပညာတိုးပွားကာ၊ အကျင့်တရားလိုက်ပါ၍ နိဗ္ဗာန်သို့ မျက်မှောက်ပြုနိုင်ကြပါစေ။

မှတ်ချက်။ ။http://plusair.blogspot.com ကူယူဖော်ပြသည်

ပညာဓိကဗုဒ္ဓဘာသာဝင် ဆိုသည်မှာ

ပညာဓိက ဗုဒ္ဓဘာသာ ဆိုသည်မှာ ပညာဉာဏ်နှင့်ယှဉ်တွဲ၍ကိုးကွယ်သော ဗုဒ္ဓဘာသာ ဖြစ်ပါတယ်။ အတက်တန်းစားဗုဒ္ဓဘာသာဖြစ်ပါတယ်။

ကျွန်တော်တို့ဘုရားသည် ဉာဏ်ပညာကို အဓိကအားထား၍ ပါရမီဖြည့်ကျင့်ခဲ့သောကြောင့် လေးသင်္ချေနှင့်
ကမ္ဘာတစ်သိန်း ပါရမီ ဖြည့်ကျင့်ခဲ့ရပါတယ်။

ဘုရားရှင်ကလည်း “ဉာဏ်သာလျှင် အမိဉာဏ်သာလျှင်အဖ” ဟုဟောကြားတော်မူခဲ့ပါတယ်။

ပညာ ဆိုသည်မှာ မိမိပြုလုပ်သော အလုပ်တစ်ခုသည် မှား၊ မှန်ခွဲခြားကာ အမှန်ကိုပြုလုပ်နိုင်စွမ်းရှိသော ဉာဏ်ကိုေ ခ်ါရပါမည်။

လူဘ၀ရောက်လာလို့မှ မိမိက အဓိကနှင့် အဓိကမဟုတ်တာကို မခွဲခြားတတ်ပါက လူဖြစ်ကျိုးနပ်မည်မဟုတ်ပါ။ အရေးမကြီးတာကို အရေးတကြီးမလုပ်မိဖို့က အရေးကြီးပါတယ်။ ရှေ့ကရေးခဲ့သော အောက်တန်းစားဗုဒ္ဓ ဘာသာဝင်များနှင့် သဒ္ဓါဓိက ဗုဒ္ဓဘာသာဝင်တို့မှာ မိမိကိုယ်တိုင် ဘာဖြစ်လို့ဖြစ် နေမှန်းကိုပင် သိကြမှာ မဟုတ်ပါဘူး။

ဉာဏ်ကို ခွဲခြားလိုက်မည်ဆိုပါက သာသနာတွင်း ဉာဏ်နှင့် သာသာနာပ ဉာဏ် ဟုခွဲခြားသိရပါမယ်။

သာသနာပဉာဏ်ဆို သည်မှာ ကမ္မဿကတဉာဏ်(ကံနှင့် ကံ၏အကျိုးပေးကိုယုံကြည်သောဉာဏ်)၊ သာသနာတွင်း ဉာဏ်ဆိုသည်မှာသစ္စာနုလောမိကဉာဏ်(သစ္စာလေးပါးကို ပိုင်းခြားထင်ထင်
သိမြင်သောဉာဏ်) ဖြစ်ပါတယ်။

သာသနာဆိုသည်မှာ ဘုရားရှင်က ခန္ဓာဉာဏ်ရောက်ကြဖို့၊ နိဗ္ဗာန် ရောက်နိုင်ကြဖို့၊ သစ္စာသိဖို့၊ ယဉ်ကျေးကြဖို့၊
လိမ္မာကြဖို့ဆုံးမ ဟောကြားခဲ့တဲ့ အဆုံးအမ တရားဟူသမျှကို ခေါ်ပါတယ်။

ဘုရားရှင်၏ အဆုံးအမတွေကို ရင်ထဲမှာကိန်းနေပြီးတော့ လောကဓံတရားတွေနဲ့ တွေ့ကြုံလာတဲ့အချိန်မှာ ဆင်ခြင်နိုင်အောင်ကြိုးစားတယ်၊ သိအောင်ကြိုးစားတယ်၊ သိပြီးရင်လည်း လက်တွေ့ကျင့်သုံးနေတဲ့ ပုဂ္ဂိုလ်သည် သာသနာတွင်း တရားကိန်းတယ်လို့ပြောရပါမယ်။

ဘုရားရှင်တော် ပေါ်လာမှသာ သစ္စာတရားတွေက သိခွင့်ရတာပါ။ သာမာန် ဒါန၊ သီလ၊ သမထ အလုပ်တွေက
ဘုရားမပွင့်လည်း ပြုလုပ်ကြပါတယ်။

ဘုရားလောင်း ဝေသံသရာမင်းသည် ဆင်ဖြူတော်ကို လှူဒါန်းတော်မူခဲ့ပါတယ်။ အဲဒီအချိန်က သာသနာပကာလ ဖြစ်ပါတယ်။ ဘယ်သူကမှ လှူဖို့တိုက်တွန်းတာလည်း မဟုတ်ပါဘူး။ သားနဲ့သမီးကို ကျွန်အဖြစ်ခိုင်းဖို့ အလှူခံတော့လည်း လှူဒါန်းခဲ့ပါတယ်။ ထို့ကြောင့် ဘုရားမပွင့်သော်လည်း ရှိနေတဲ့တရားဖြစ်သောကြောင့် သာသနာပတရား ဖြစ်ပါတယ်။

ဒါန၊ သီလ၊ သမထ အလုပ်တွေကို ဘာသာဝင်တိုင်းလုပ်ကြပါတယ်။ ဆေးရုံတွေ၊ မျက်မမြင်ကျောင်းတွေ ဆိုလည်း ခရစ်ယာန်တွေ စလုပ်ခဲ့တာတွေပါ။ သူတို့လုပ်နေတာတွေက သစ္စာသိပြီးလုပ်တာလည်းမဟုတ်ပါဘူး။ အကျိုးအကြောင်း နာလည်း၍ ခန္ဓာဉာဏ်ရောက် ဆင်ခြင်ပြီးလုပ်တာလည်း မဟုတ်ပါဘူး။

ဗုဒ္ဓဘာသာမှသာ ထိုတရားတွေကို သိရတာပါ။ ထို့ကြောင့် မိမိကဒါနတွေလုပ် နေသော်လည်း ဘာမှ မသိပါက အခြားဘာသာတွေနှင့် အလားတူပင်ဖြစ်နေပါမယ်။

ဘုရားရှင်က သစ္စာတရားကိုသိခဲ့ပြီး သတ္တ၀ါတွေကိုလည်း သစ္စာသိပြီး လုပ်သောအလုပ်၊ ကျင့်သောတရားများ ဖြစ်ရန်ဟောကြားခဲ့ပါတယ်။

အတိတ်တုန်းက မိမိတို့က ဘာမှမသိဘဲလုပ်ပြုလုပ်ခဲ့ကြလို့ သံသရာလည်နေရတာပါ။ မသိတာက (အ၀ိဇ္ဇာ)၊
မသိတော့ဘုံ၊ ဘ၀တွေလိုချင်ပြီး ဆုတောင်းခဲ့တာက(တဏှာ)၊ ငါ့အလှူ၊ ငါလုပ်တာလို့ စွဲတာက(ဒိဋ္ဌိ)၊ ဒါတွေကြောင့် လက်ရှိခန္ဓာကြီးရနေရတာပါ။

အကြောင်းရင်းကိုကြည့်ရင် သစ္စာမသိ၊ ဉာဏ်မရှိဘဲလုပ်ခဲ့တာကြောင့်ပါ။ ဒီတရားတွေကလည်း ဘုရားရှင်ပွင့်မှ သိရတာပါ။

“ဘုရားရှင်တော် မပွင့်ပေါ်လျှင်၊
လူတော်အများ၊ စိတ်ကောင်းထားလည်း၊
ဤကားကုသိုလ်၊ အကုသိုလ်နှင့်၊
ထိုထိုဘုံဘ၀ မသိရ၊
များလှအပြစ်တွေ”…၊

အများအားဖြင့် သိနေတာက သူများအသက်သတ်မှ၊ သူတပါးပစ္စည်းခိုးမှ၊ သူတပါးသားမယားကို ပြစ်မှားမှ၊ လိမ်ညာနေမှ၊ မူးရစ်နေမှ အကုသိုလ်လို့သိကြပါတယ်။ ဒါတွေက အကြမ်းစား အကုသိုလ်တွေပါ။

ဘုရားရှေ့မှာ အ၀ိဇ္ဇာ၊ တဏှာ၊ ဒိဋ္ဌိတွေနဲ့ ဘုံ၊ ဘ၀တွေ၊ လိုချင်တာတွေ တောင်းနေတာကို အကုသိုလ်ဆိုတာ မသိကြပါဘူး။ ဒါမျိုးကတော့ နူးညံတဲ့ အကုသိုလ်ဖြစ်ပါတယ်။

အကုသိုလ်က လုပ်နေတဲ့ အချိန်မှာလည်း အပြစ်ရှိပါတယ်။ အကျိုးပေးရင်လည်း မကောင်းကျိုးဘဲရပါတယ်။

မိမိတို့တွေက အတိတ်က အ၀ိဇ္ဇာ ဦးဆောင်ပြီး ပြုလုပ်ခဲ့တာက သမုဒယသစ္စာပါ။ သမုဒယကြောင့် ယခု ဒုက္ခသစ္စာ ရနေတာပါ။

ဒုက္ခသစ္စာ ဆိုတာတော့ ဆင်းရဲခြင်းတရားဖြစ်ပါတယ်။ လက်ရှိခန္ဓာကြီးက သက်သေပြနေပါတယ်။ အတိတ်တုန်းက မိမိတို့ရဲ့ရင်ထဲမှာ ဘုရားမပွင့်ခဲ့လို့၊ သစ္စာမသိခဲ့လို့၊ ယခုချိန်ထိ ဆင်းရဲကျိုးခန္ဓာကြီးရနေတာပါ။

ထို့အတွက် မိမိတို့တွေသည် ဓမ္မအရသာကို သိအောင်လုပ်ပြီး ဘုရားရှင် ဟောကြားခဲ့သောတရားတော်များ
အတိုင်းလိုက်ကျင့်ရပါမယ်။ ယောင်းမသည်ဟင်း၏ အရသာကိုမသိရသလို အသိဉာဏ်မရှိသောသူသည်လည်း တရားအရသာကို သိရမှာမဟုတ်ပါဘူး။ ထို့ကြောင့် ကုသိုလ်ကောင်းမှုတွေပြုလုပ်တဲ့အခါမှာ နိဗ္ဗာန် ကိုသာ ရည်စူး၍ပြုလုပ်ရပါမယ်။

အလှူဒါန ပစ္စည်းအနည်း-အများက အဓိက မဟုတ်ပါဘူး။ မိမိ လှူဖွယ်ပစ္စည်းရဲ့ စင်ကြယ်မှု၊ အလှူခံပုဂ္ဂိုလ်၊ မိမိရဲ့စိတ်ထားပေါ်မူတည်ပြီး အကျိုးပေးရလဒ်လည်း ကွားခြားရပါတယ်။

မိမိတို့ရဲ့ကောင်းမွန်တဲ့ သဒ္ဓါတရား၊ သီလစောင့်တည်နိုင်မှု၊ ဉာဏ်ပညာတို့ကို ကောင်းစွာအသုံးချ၍ သံသရာ
လွတ်ကြောင်းတရားများကိုသိရှိ၊ ကျင့်ကြံနိုင်မှသာ ပညာဓိကဗုဒ္ဓဘာသာ ဖြစ်ပါလိမ့်မည်။

မိမိသိရှိလိုက်ရတဲ့ သံဝေဂတရား၊ အသိတရားကို လိုက်နာကျင့်ကြံဖို့က အရေးကြီးပါတယ်။ အသိကို လိုက်မကျင့်တော့၊ သိသလို မသိသလိုနဲ့ နောက်ဆုံးတော့ မသိတာဘဲဖြစ်သွားတက်ပါတယ်။

ဉာဏ်ပညာနှင့် ယှဉ်ဘက် ကိုးကွယ်သော၊ ဆုတောင်းသောသူများ ဖြစ်ကြရအောင် ကျင့်ကြံနိုင်မှသာလျှင်
မိမိသည် သံသရာဘေးမှ လွတ်မြောင်နိုင်ပါလိမ့်မည်။

“ဘုရားရှင်တော်၊ ပွင့်ထွန်းပေါ်၍၊
ဟောဖော်ပြောကြား၊ မြတ်တရားကြောင့်၊
ဤကားကုသိုလ်၊ အကုသိုလ်နှင့်၊
ထိုထိုဘုံဘ၀ သိကြရ၊
များလှကျေးဇူးတွေ”…။

ပညာမဲ့နှင့် အကုသိုလ်ကံ

လက်ရှိနှင့် နောင်သံသရာအရေး မသိနားမလည်သော ပညာမဲ့တို့သည် မိမိကိုယ်ပင် မိမိရန်သူသဖွယ်ဖြစ်ကာ အပါယ်ရောက်စေသည့် အကုသိုလ် ပြုနေကြ၏။ ထိုသူတို့ ပြုလုပ်ထားသော အကုသိုလ်ကံသည် အလွန်ဆင်းရဲသော အကျိုးကို ပေးတတ်သည်။ ဓမ္မပဒ (၆၆) သုပ္ပဗုဒ္ဓကုဋ္ဌို ဝတ္ထု

၁၃၇၆ ခုနှစ်၊ ၀ါခေါင်လပြည့်နေအတွက် နိုးဆော်လွှာ(နိုင်ငံတော်ဘာသာနေ့)

အားလုံးသောသူတော်ကောင်းအပေါင်းတို့
ပြည်ထောင်စု သမ္မတမြန်မာနိုင်ငံတော်တွင် ထေရ၀ါဒ ဗုဒ္ဓဘာသာ ၊ ထေရ၀ါဒဗုဒ္ဓသာသနာကို နိုင်ငံတော်ဘာသာအဖြစ်၊ နိုင်ငံတော်သာသနာအဖြစ် ၁၉၆၁-ခုနှစ် ၊သြဂုတ်လ ၂၆ ရက်၊
(၁၃၂၃-ခုနှစ်၊ ၀ါခေါင်လပြည့်နေ့) မွန်းလွဲ ၁နာရီ ၂၅ မီးနစ်အချိန်တွင် နိုင်ငံတော်ဘာသာအက်ဥပဒေကို သမ္မတအိမ်တော်တွင် သမ္မတ ဦးဝင်းမောင် ကိုယ်တိုင် အခမ်းအနားဖြင့် လက်မှတ်
ရေးထိုး အတည်ပြုခဲ့ကြောင့် သိရှိခဲ့ရပါသည်။(၁၃၆၁ခုနှစ်၊ ဖွဲ့စည်းအုပ်ချုပ်ပုံ အခြေခံသပဒေ(တတိယပြင်ဆင်ချက်) အက်ဥပဒေအမှတ် (၁၇) ပုဒ်မ၂၁၊ ပုဒ်မခွဲ ၁ )
ပြည်ထောင်စု သမ္မတမြန်မာနိုင်ငံတော်တွင် ထေရ၀ါဒ ဗုဒ္ဓဘာသာ ၊ ထေရ၀ါဒဗုဒ္ဓသာသနာကို နိုင်ငံတော်ဘာသာအဖြစ်၊ နိုင်ငံတော်သာသနာအဖြစ် ပြဋ္ဌာန်းခဲ့သည်မှာ ယခုနှစ်အထိ
၅၃ နှစ်ရှိခဲ့ပါပြီ။ ၅၃ နှစ်အတွင်း နိုင်ငံတော်ဘာသာနေ၊ နိုင်ငံတော်သာသနာနေ့အဖြစ်ကျင်းပပြုလုပ်ခဲ့သည်မှာ ၅၁နှစ်မြောက် နှင့် ၅၂နှစ်မြောက် နိုင်ငံတော်ဘာသာနေ့
နိုင်ငံတော်သာသနာနေ့အဖြစ် တိပိဋကဓရ ဓမ္မဘဏ္ဍာဂါရိက ဆရာတော်ကြီးများ အကြီးအမှူးထားလျှက် ထေရ၀ါဒဓမ္မကွန်ရက်ကိုဖွဲ့စည်းပြီး အခမ်းအနားကို ကျင်းပပြုလုပ်ခဲ့ကြောင်းသိရှိခဲ့ရပါသည်။
ထိုအခမ်းအနားတွင် နိုင်ငံတော်ဘာသာပြဋ္ဌာန်းနိုင်ရေးအတွက် အကြံပေးအဖွဲ့ ဦးဆောင် ဆရာတော်ကြီး ဘဒ္ဒန္တ သုန္ဒရ(ပခုက္ကူမြို့၊ မဟာဝိသုတာရာမကျောင်းတိုက်) ဦးဆောင်သည့်အဖွဲ့ကြီးက
ငြိမ်းချမ်းရေးအကျိုးအတွက် စတင်လက်မှတ်ရေးထိုးခဲ့သည့်  (၁၉၆၁-ခုနှစ် ၊သြဂုတ်လ ၂၆ ရက်၊
(၁၃၂၃-ခုနှစ်၊ ၀ါခေါင်လပြည့်နေ့)မေတ္တာအခါတော်နေ့ ) ဖြစ်သည်အတွက် နောင်နှစ်တိုင်းနှစ်တိုင်း ၀ါခေါင်လပြည့် မေတ္တာအခါတော်နေ့တွင့် နိုင်ငံတော်ဘာသာနေ့ နိုင်ငံတော်သာသနာ ဟု
ပြဋ္ဌာန်းပေးရန် သပ်မှတ်တော်မူခဲ့ပါသည်။
သို့ဖြစ်ပါ၍ အားလုံးသောသူတော်ကောင်းအပေါင်းတို့အနေဖြင့် ၀ါခေါင်လပြည့် မေတ္တာအခါတော်နေ့ကို  နိုင်ငံတော်ဘာသာနေ့ ၊ နိုင်ငံတော် သာသနာနေ့ အဖြစ် အသိအမှတ်ပြုကြပြီးလျှင်
မိမိတို့၏ အိမ်မှာ ၊ မိမိတို၏လမ်းမှာ သာသနအလံတော်ကို လွှင့်ထူပူဇော်ခြင်းဖြင့် နိုင်ငံတော်ဘာသာ၊ နိုင်ငံတော်သာသနာနေ့ ကို ဂုဏ်ပြုကြပါစို့။...............

၁၃၇၆-ခုနှစ် ၀ါခေါင်လပြည့်နေ့အတွက် နှိုးဆော်လွှာ (မေတ္တာအခါတော်နေ့)

၁၃၇၆-ခုနှစ် ၀ါခေါင်လပြည့်နေ့ကို မေတ္တာအခါတော်နေ့လို့ သတ်မှတ်တာကတော့ ဗုဒ္ဓလက်ထက်က ဗုဒ္ဓဘုရားရှင် ဟောတော်မူတဲ့ မေတ္တာသုတ်ကို အကြောင်းပြုပြီး သတ်မှတ်ကြခြင်း ဖြစ်ပါတယ်။ မြတ်ဗုဒ္ဓဟာ ဒီမေတ္တာသုတ်ကို ၀ါခေါင်လပြည့်နေ့မှာ ဟောတော်မူခဲ့တာ ဖြစ်တယ်ဆိုတဲ့ ယုံကြည်မှုနဲ့ မြန်မာဗုဒ္ဓဘာသာများက ၀ါခေါင်လပြည့်နေ့ကို မေတ္တာအခါတော်နေ့လို သတ်မှတ်ကြခြင်း ဖြစ်ပါတယ်။

ဒီမေတ္တာသုတ်ကို ဟောရခြင်းရဲ့ အကြောင်းကို ဗုဒ္ဓစာပေတွေမှာ ဖော်ပြပါရှိပါတယ်။ စာပေအဖွင့်တွေအရ ဗုဒ္ဓလက်ထက်က ရဟန်းတော်များဟာ ၀ါဆိုခါနီး ရောက်တဲ့အခါ အားထုတ်စရာ ကမ္မဋ္ဌာန်း တစ်ခုခုကိုယူပြီး တောရွာတောအုပ် စတဲ့အရပ်တွေမှာ ၀င်ရောက်ပြီး ၀ါတွင်းကာလ တရားဓမ္မနဲ့ ကမ္မဋ္ဌာန်း အလုပ်များ အားထုတ်လေ့ ရှိတယ်ဆိုတာ သိရပါတယ်။ ဒီအစဉ်အလာအတိုင်း မထင်မရှား ရဟန်းငါးရာဟာလည်း ကမ္မဋ္ဌာန်းကိုယူပြီး ဟိမ၀န္တာအနီး တောအုပ်တစ်ခုသို့ ၀င်ရောက်ကာ နီးစပ်ရာ သစ်ပင်များအောက်မှာ ကမ္မဋ္ဌာန်း တရား အားထုတ်ကြပါတယ်။ ဒီအခါမှာ အဲဒီ သစ်ပင်အသီးသီးမှာရှိတဲ့ ဘုမ္မစိုး၊ ရုက္ခစိုးစတဲ့ နတ်တွေဟာ သီလသမာဓိနဲ့ ပြည့်စုံတဲ့ ရဟန်းတော်များ ရောက်လာတဲ့အတွက် သစ်ပင်တွေအပေါ်မှာ မနေသာတော့ပဲ ဒုက္ခရောက်ကြရပါတယ်။ ဒီလိုဒုက္ခရောက်တော့ အဲဒီဘုမ္မစိုး၊ ရုက္ခစိုးစတဲ့ နတ်တွေဟာ ကြောက်မက်ဖွယ်ရာ အမျိုးမျိုးနဲ့ ရဟန်းတော်များ နေလို့မရအောင် ချောက်လန့်တဲ့အတွက် ရဟန်းတော်များဟာ ကြောက်ကြောက်လန့်လန့်ဖြစ်ကာ တရားလည်း အားထုတ်မရဖြစ်ပြီး နောက်ဆုံးဝါတွင်းကြီးမှာပဲ ဘုရားရှင်ထံ ပြန်ရောက်လာကာ အကျိုးအကြောင်း လျှောက်ပြကြပါတယ်။ ဘုရားရှင်က ရဟန်းငါးရာကို မေတ္တာသုတ်ကို သင်ပေးပြီး မေတ္တာပို့ရင်း ကမ္မဋ္ဌာန်း အားထုတ်ကြဖို့ ညွန်ကြားပေးလိုက်ကာ အဲဒီတောအုပ်ကို ပြန်စေပါတယ်။ ရဟန်းတော်များလည်း ဘုရားရှင် ညွန်ကြားတဲ့အတိုင်း မေတ္တာပို့သတဲ့အတွက် ရုက္ခစိုး၊ ဘုမ္မစိုးနတ်တွေဟာ ရဟန်းတော်များရဲ့ မေတ္တာကိုယူရင်း တစ်ဖန်ပြန်ပြီး ရဟန်းတော်များကို စောင့်ရှောက်တဲ့အတွက် ကမ္မဋ္ဌာန်းတရားကို အေးအေးဆေးဆေး အားထုတ်ခွင့်ရခဲ့ ကြတယ်လို့ စာပေမှာ ဖော်ပြပါတယ်။

ဘုရားရှင်ဟာ အဲဒီရဟန်းငါးရာကို မေတ္တာသုတ်ကို သင်ပေးရင်း မေတ္တာတရားတော်ကို ဟောကြားတော်မူခဲ့တာ ဖြစ်ပါတယ်။ ဒါကြောင့် ဒီမေတ္တာရား ဟောကြားတော်မူတဲ့နေ့ကို အစွဲပြုပြီး မြန်မာဗုဒ္ဓဘာသာတွေဟာ ၀ါခေါင်လပြည့်နေ့ကို မေတ္တာအခါတော်နေ့လို့ သတ်မှတ်ကြတာ ဖြစ်ပါတယ်။ ဘုရားရှင် ဟောကြားတော်မူတဲ့ မေတ္တာသုတ်ဟာ ဒီနေ့ပရိတ်ကြီး ၁၁သုတ်မှာပါတဲ့ မေတ္တာသုတ်ပဲ ဖြစ်ပါတယ်။ ပိဋကတ်တော်မှာတော့ ခုဒ္ဒကနိကာယ်မှာ ထည့်သွင်းဖော်ပြထားပါတယ်။ ဒီမေတ္တာသုတ်လာ မေတ္တာပွားနည်းကိုပဲ တိပိဋက မင်းကွန်းဆရာတော် ဘုရားကြီးက “လုံးစုံများစွာ သတ္တ၀ါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ ” စသဖြင့် အလွယ်တကူ မေတ္တာပွားနိုင်အောင် လင်္ကာဆောင်ပုဒ်လေးများနဲ့ လူအများကို ရွတ်ပွားစေခဲ့တာ ဖြစ်ပါတယ်။
 အထူးသဖြင့်
လူအချင်းချင်း လှည့်ပတ်ခြင်း ကင်းရှင်းကြပါစေ…
အထင်သေးခြင်း အချင်းချင်း ကင်းရှင်းကြပါစေ…
ဆင်းရဲလိုခြင်း အချင်းချင်း ကင်းရှင်းကြပါစေ… ဆိုတဲ့ အပိုဒ်လေးတွေကို ထပ်ခါထပ်ခါ ရွတ်ပွားစေပါတယ်။ ဘာဖြစ်လို့လဲဆိုတော့ ဒီနေ့ခေတ် လူအတော်များများဟာ ဘယ်မှာနေနေ၊ ဘယ်သူနဲ့တွေ့တွေ့ ဒီမေတ္တာဓာတ်တွေ ကင်းနေကြတာကို တွေ့နေမြင်နေရလို့ပဲ ဖြစ်ပါတယ်။ လူအချင်းချင်း မေတ္တာထားဖို့ နေနေသာ တစ်ယောက်နဲ့ တစ်ယောက် တွေ့ရင် ဘယ်လိုလှည့်ပတ်လိုက်ရမလဲ၊ ဘယ်လို နှိမ်ချလိုက်ရမလဲ၊ ဘယ်လို ဒုက္ခပေးလိုက်ရမလဲ… လို့ချည်းပဲ စဉ်းစားနေကြတော့ မေတ္တာတရားတွေလည်း ခေါင်းပါးပြီး၊ ရန်ငြိုးဖွဲ့ကြ၊ နိုင်ထက်စီးနင်းလုပ်ကြ၊ ညှင်းပန်းနှိပ်စက် လုပ်ကြတာတွေပဲ များနေတော့တာ ဖြစ်ပါတယ်။ ဒီလို မေတ္တာတရားတွေ ခေါင်းပါးလာကြတဲ့အတွက် လောကကြီးမှာ ဘယ်နိုင်ငံပဲကြည့်ကြည့် ငြိမ်းချမ်းမှုမရှိဘဲ တစ်ဦးနဲ့တစ်ဦး တိုက်ကြခိုက်ကြတာတွေပဲ ဖြစ်ကုန်ကြတာ ဖြစ်ပါတယ်။ ဒါကြောင့်မို့ လူအချင်းချင်း အတူတူ တစ်ဦးအပေါ်တစ်ဦး ရိုးသားကြဖို့၊ လေးစားကြဖို့၊ ချမ်းသာကိုပေးကြဖို့ မေတ္တာတရား များများထားကြပါလို့ ဆိုကြခြင်း ဖြစ်ပါတယ်။

သိကြတဲ့အတိုင်း မေတ္တာဆိုတာ ချစ်ခင်ခြင်း၊ အကျိုးလိုလားခြင်း သဘောကို ဆောင်တဲ့အတွက် လူအသီးသီးမှာ ဒီမေတ္တာတရားတွေ များများရှိလေ တစ်ဦးနဲ့တစ်ဦး အကျိုးတရားတွေကို များများဆောင်လေ၊ တစ်ဦးချမ်းသာအောင် တစ်ဦးက စောင့်ရှောက်ကြလေ ဖြစ်ကြမှာပါ။ “မေတ္တာဆိုတာ အလျားအနံ မရှိပေမယ့် အသွားအပြန်တော့ ရှိတယ်”ဆိုတဲ့ စကားလိုပဲ မေတ္တာဓာတ်ဟာ မမြင်နိုင်တဲ့ အစွမ်းတွေ ရှိတဲ့အတွက် ကိုယ်ကသူတပါးကို မေတ္တာထားလေလေ သူတပါးကလည်း ကိုယ်ကိုမေတ္တာနဲ့ ပြန်တုံ့ပြန်လေ ဖြစ်မှာပါ။ ကိုယ်ကိုယ်တိုင်က အရင်ဆုံး မေတ္တာထားနိုင်မှ သူတပါးကလည်း ကိုယ့်ကိုပြန်ပြီး မေတ္တာထားလာမှာ ဖြစ်ပါတယ်။ ဒီလို တစ်ဦးနဲ့တစ်ဦး အပြန်အလှန် မေတ္တာထားပြီး သူ့အကျိုး မပျက်စီးအောင်၊ သူတပါးဒုက္ခ မရောက်အောင် နေနိုင်ကြမယ်ဆိုရင် လောကကြီးမှာ ရန်သူဆိုတာ ရှိမှာမဟုတ်ဘဲ ငြိမ်းချမ်းမှုတွေနဲ့ အေးမြနေကြမှာ ဖြစ်ပါတယ်။ ဒီတော့ကား ဘယ်သူတွေ ဘယ်လိုပဲ ဖြစ်ကြပါစေ။ ကိုယ်ကစပြီး သူတပါးအပေါ်ကို မေတ္တာထားနိုင်အောင် ကြိုးစားပြီး မေတ္တာစိတ်လေးတွေနဲ့ နေထိုင်ပြောဆို ပြုမူဆက်ဆံနိုင်အောင် လေ့ကြည့်ကြဖို့ လိုပါတယ်။ ကိုယ်ကမေတ္တာ အားကောင်းလာရင် ရန်သူတောင်မှ ကိုယ့်ကိုပြန်ပြီး မေတ္တာနဲ့ တုံ့ပြန်လာမယ်ဆိုတာ အသေအချာပဲ ဖြစ်ပါတယ်။
ဒါကြောင့် အခုလို မေတ္တာအခါတော်နေ့မှာ အားလုံးရဲ့ သန္တာန်မှာ မေတ္တာစိတ်လေးတွေ ကိန်ပြီး ဒေါသလေးတွေ ငြိမ်းကြစေဖို့၊ တစ်ဦးနဲ့တစ်ဦး မေတ္တာလေးတွေ ထားကြည့်ကြဖို့၊ တစ်ဦးချင်းရဲ့ စိတ်မှာ ဘယ်သူ့ဘယ်သူ အပေါ်မှ လှည့်ပတ်ခြင်း၊ ညှင်းစဲခြင်း၊ ဒုက္ခပေးခြင်း စတဲ့ မကောင်းတာတွေ မကိန်းရအောင် ကောင်းတဲ့စိတ်ထားလေးတွေ ထားနိုင်ကြဖို့ မေတ္တာများများ ပွားကြည့်ကြပါလို့ မေတ္တာအခါတော်နေ့ကို သက်သေပြုကာ မေတ္တာတရား ပို့သပေးရင်း အသိပေးစကား ပါးလိုက်ရပါတယ်။

ဘာပဲဖြစ်ဖြစ် ဒီလို မေတ္တာ အခါတော်နေ့လေးမှာတော့ မှတ်မှတ်ရရ အနေနဲ့ ဘုရားရှင်ဟောတော်မူခဲ့တဲ့ ဒီမေတ္တာပို့လေးကို ရွတ်နိုင်သမျှရွတ်ပွားရင်း ကိုယ့်သန္တာန်မှာ အခိုက်အတန့်ပဲ ဖြစ်ဖြစ် မေတ္တာဓာတ်များ ကိန်းစေဖို့ မေတ္တာဘာဝနာ ပွားကြည့်ကြပါလို့ တိုက်တွန်းရင်း မေတ္တာသုတ်ကို မြန်မာဆောင်ပုဒ်ပြု သီးကုံးပေးထားတဲ့ မင်းကွန်းဆရာတော်ကြီးရဲ့ မေတ္တာပို့လေးကို တင်ပြလိုက်ပါတယ်။ အားလုံး တစ်ဦးအပေါ်တစ်ဦး မေတ္တာစိတ်နဲ့ ဆက်ဆံပေါင်းသင်းနိုင်ကြပါစေ…။

၁။ လုံးစုံများစွာ၊ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၂။ ကြောက်တတ်၊ မကြောက်တတ်၊ နှစ်ရပ်များစွာ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၃။ မြင်အပ်၊ မမြင်အပ်၊ နှစ်ရပ်များစွာ၊ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၎။ ဝေးနေ၊ နီးနေ၊ နှစ်ထွေများစွာ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၅။ ဘ၀ဇာတ်ဆုံး၊ မဆုံးများစွာ၊ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၆။ ရှည် တို အလတ်၊ သုံးရပ်ခန္ဓာ၊ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၇။ ကြီး ငယ် အလတ်၊ သုံးရပ်ခန္ဓာ၊ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၈။ ဆူ ကြုံ အလတ်၊ သုံးရပ်ခန္ဓာ၊ သတ္တ၀ါ
ချမ်းသာကိုယ်စိတ် မြဲပါစေ။ ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၉။ လူအချင်းချင်း၊ လှည့်ပတ်ခြင်း၊ ကင်းရှင်းကြပါစေ။
၁၀။ အထင်သေးခြင်း၊ အချင်းချင်း၊ ကင်းရှင်းကြပါစေ။
၁၁။ ဆင်းရဲလိုခြင်း၊ အချင်းချင်း၊ ကင်းရှင်းကြပါစေ။

မှတ်ချက်။   ။မနာပဒါယီ စာစဉ်ကို အမှီပြုပြီးရေးသားသည်။